New💕《Zen的感覺！型格創新美味居酒屋！》必食吉列和牛三文治！
-
位於沙田嘅新開居酒屋YAMA，分爐端燒吧同主用餐區，裝修有好Zen嘅氛圍，想帶俾食客身置銀座嘅感覺，行政總廚仲係擁有超過30年經驗、曾擔任米芝蓮名店銀座鮨一嘅料理長， @royalparkhotel嘅新店值得一試！
-
又打卡又好食嘅料理由《”山”日式沙律》開始，多款料理都帶少少分子料理元素，好似一道《煙燻甘鯛魚伴酸汁》未上菜已經聞到超濃郁嘅煙燻味，鯛魚入口微微煙燻味，好鮮甜！《中吞拿魚腩拼油甘魚刺身伴山葵啫喱》新鮮刺身配山葵啫喱配埋醬油甜味好fresh～
-
呢度爐端燒都做得好好，用長炭燒嘅串燒色水靚又夠香，炭燒系列有雞腿肉同埋自家製免治雞肉，好食！
-
鎮店之選有《吉列和牛三文治》，用A5 級數鹿兒島野崎牛配上秘調帶微酸醬汁+少少Wasabi，牛肉好嫩而且入口半溶，好好食！
-
《脆米炸蝦丸》日本彩色脆米加上佢地自家手打彈牙蝦肉，呢個小食都好出色～最後再嚟個《南瓜椰子奶糯米糍》佢結，滿足！
Search